மதுசூதனனின் ஐந்து குறுங்கவிதைகள்

Madhusudhan S Five Short Poems (Haiku) in Tamil Language. Book Day And Bharathi TV Are Branches of Bharathi Puthakalayam.



1)
திறக்கக் கடினமான
போத்தல் மூடியை
அழுத்தித் திருகும் போது
மென்னி முறித்துக் கொல்லும்
கொலைகாரன் ஆன உணர்வு.
************
2)
அறுவடையான வயல்களில்
கொத்திக் கொண்டிருந்தன
கரிச்சான்கள்
இதற்கு மேல்
சொந்த ஊர் பற்றி
எழுத முடியாமல்
தொண்டைக் கவ்வியது
என் பேனாவிற்கு.
*********
3)
பலர் பற்றி நின்ற
தாழ்மரக் கிளையை
வேறு சிலர் முறிக்கிறபோது
அந்த பலரை
தேடிப் போகிறது போலிருக்கிறது
உச்சியிலிருந்து விலகிய பறவை
*******
4)
நீ வந்து போன கனவை
என் கைக்குட்டையில்
மடித்து வைத்திருந்தேன்.
தெரியாமல் விரித்த போது
பனி படர்ந்திருக்கிறது
என் அறையில்.

*******

5)
வருத்தம் தொக்கி நிற்கும்
என் வார்த்தைகளுக்கு
முற்றுப் புள்ளியாய் இருக்கிறது
உன் உதட்டு மச்சம்.
*******

Madhusudhan S
14.8.2021

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.