பெயர் சொல்லும் பறவைகள் – முனைவர். வெ. கிருபாநந்தினி

பட்டை வால் சிங்காரக்கோழி or Mrs.ஹுயும் பெசான்ட்

இதன் பெயரிலேயே தனி சிறப்பு உள்ளது. ஆலன் ஆக்டேவியன் ஹியூம் (Allan Octavian Hume) அவர்களின் மனைவிக்கு (Maria Burnley) மரியாதை செலுத்தும் விதமாக பெயர் வைத்துள்ளனர்.  மிசோரம் மற்றும் மணிப்பூர் ஆகிய மாநிலங்களின் பறவை.

பெயர் காரணம்

Gr. surma, surmatos robe with a long train (long-tailed). கிரேக்க மொழியில் அழகான நீளமான வாலை உடையது.

Humiae –   Mary Ann Grindall Hume, wife of Allan Octavian Hume (Syrmaticus).

யார் ஆலன் ஆக்டேவியன் ஹியூம் ?

ஆலன் ஆக்டேவியன் ஹியூம் இந்தியா பறவியளாளரின் தந்தை. இந்திய சிவில் சர்வீஸில் உறுப்பினராக இருந்தார், மேலும் 1849 முதல் 1882 வரை இந்தியாவில் உயர் நிர்வாக பதவிகளில் பணியாற்றினார்.  இந்திய தேசிய காங்கிரஸின் அஸ்திவாரத்தில் முதன்மையானவராக 1885 ஆம் ஆண்டில் இருந்தவர், 1885 முதல் 1906 வரை அதன் பொதுச் செயலாளராக பணியாற்றினார்.

ஆராய்ச்சியாளர்கள், விஞ்ஞானிகளின் கண்டுபிடிப்புகளையும், கள ஆய்வில் கவனித்த தகவல்களையும் பகிர்ந்து கொள்ள Stray Feathers என்ற ஆங்கில மாத இதழை ஆரம்பித்தவர். பல பறவைகளின் மாதிரிகள், உடல் உறுப்புகளை சேகரித்து வைத்தார். லண்டனில் உள்ள இயற்கை வரலாறு அருங்காட்சியகத்திற்க்கு சேகரித்து வைத்திருந்து பாடம் செய்யபட்ட அல்லது பதபடுத்தப்பட்ட பறவைகளை  வழங்கியுள்ளார். இதன் மூலம் பறவை ஆராய்ச்சியாளர்கள் பயன்பெற்று வருகின்றனர்.

உடல் அமைப்பு

மயில் போன்ற தோற்றத்தை உடையது. இதன் உடல் மொத்தம் 90 செமீ, வால் மட்டுமே 50 செமீ கொண்டுள்ளது. எடை – ஆண் 950 – 1,100, பெண் 650 – 850 கிராம். கழுத்து நீளம், இறக்கைகள் பழுப்பு, வால் வெள்ளை நிறம் , பழுப்பு நிற வரிகளையுடையது. கண்ணைச் சுற்றி சிகப்பு நிற வளையம் உள்ளது. இதன் அலகு மற்றும் கால்கள் வெள்ளை நிறத்தை கொண்டுள்ளது.

பரவி காணப்படும் நாடுகள்

இந்தியா, சீனா, பர்மா தாய்லாந்து மற்றும் மியான்மர் ஆகிய நாடுகளில் பறவி காணப்படுகின்றன.

வாழுமிடம் 

1000 – 2500 மீட்டர் உயர மலைகளான திரந்த & வரண்ட, மித வெப்ப மண்டல பசுமை காடுகள்,  அடர்ந்த காடுகளின் ஓரப்பகுதிகளில் வாழும். முக்கியமாக oak & pine போன்ற மரங்களைக் கொண்ட ஊசி இலைக்காடுகளில் வாழக்கூடியது.

உணவு 

ஊசி இலைக்காடுகளில் இருக்கும் மரங்களின் (oak & pine) கொட்டைகள், இலைகள், வேர்கள், பூச்சிகள் மற்றும் கறையான்கள். 40 வகையான தாவர இனங்கள் அதன் வயிற்றில் கண்டறியப்பட்டதாக ஆய்வுகள் கூறுகின்றன.

இனப்பெருக்கம் 

பிறந்து 10 – 14 மாதங்களில் இணையை தேடும் பிப்ரவரி – சூலை மாதங்கள் இதன் இனப்பெருக்க காலம். இலை, மரக்கிளைகள் & இறகுகள் பயன்படுத்தி கூடு கட்டும். 3 முதல் 12 வரை  வெள்ளை நிற முட்டைகளையிடும். பெண் பறவை மட்டுமே அடை காக்கும்.

தற்போதைய எண்ணிக்கை –  6000 முதல் 15,000 வரை உள்ளன.

வாழத்தேவைப்படும் பரப்பளவு – 854,000 கிலோ மீட்டர் தேவைப்படுகின்றது.

பன்னாட்டு இயற்கை வள பாதுகாப்பு நிறுவனம் (International Union for Conservation of Nature – IUCN) உயிரினங்களை அதன் எண்ணிக்கைக்கு ஏற்ப பட்டியலிட்டு வருகிறது. தற்போது எண்ணிக்கை குறைந்து வருவதால் அருகத் தொடங்கும் உயிரினம் (Near Threatened) என்று அறிவித்துள்ளது.

காரணம்: இயற்கை சுரண்டல், காடுகள்  அழிப்பு, கட்டுப்பாடற்ற வருடாந்திர காட்டுத் தீ, பல ஆண்டுகளாக தொடரும் அழகு சாதனப்பொருட்கள் செய்யவும், உணவிற்க்காகவும் வேட்டையாடுதல் ஆகியவை குறைந்து வருவதற்கு காரணமாக ஆராய்ச்சியாளர்கள் கூறுகின்றனர், இதனால் சீனா, இந்தியா, தாய்லாந்து மற்றும் மியன்மார் ஆகிய நாடிகளில் வனஉயிரிண சட்டம் Schedule – I bird, according to wildlife (Protection) act, 1972 பாதுகாக்க உத்தரவிட்டுள்ளது.

பறவைகளின் படங்கள்: https://birdsoftheworld.org/bow/species/humphe1/cur/introduction

தரவுகள்

N. J. Collar & R. P. Prys-Jones (2012). Pioneer Of Asian Ornithology: Allan Octavian Hume Birding ASIA Volume- 17, Pages 17–43.

http://datazone.birdlife.org/species/factsheet/mrs-humes-pheasant-syrmaticus-humiae

https://www.iucnredlist.org/search?query=Syrmaticus%20humiae&searchType=species

முனைவர். வெ. கிருபாநந்தினி
பறவைகள் ஆராய்ச்சியாளர்

இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.

புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து  படைப்புகளையும், எங்களது [email protected] மெயில் அனுப்பிட வேண்டுகிறோம்.