பக்தியின் போதையை பலருக்கும்
ஊட்டியே
பாடங்கள் எடுத்திடுவோம் – பெரும்
மாடங்கள் கட்டிடுவோம் – இதுவே
முக்திக்கு வழி என முழங்கியே
அவர்தம்
மூளையை துவைத்திடுவோம் – இல்லையேல்
ஆளையே சிதைத்திடுவோம்
ஜெய் ஸ்ரீராம் என்னும் சிந்தையை
என்றும்
ஜென்மங்கள் வளர்த்திடுவோம்
பல
வன்மங்கள் செய்திடுவோம் – இதை
பொய்என்று கூறிட புறப்பட்டோரை
புதைகுழி அனுப்பிடுவோம் – அட
சிதை எரி யூட்டிடுவோம்
கண்மூடி வழக்கங்கள் கடவுளின்
பேரோடு
கலந்திட வைத்திடுவோம் – என்றும்
மலர்ந்திட உதவிடுவோம் – இவை
மண்மூடி போகாது மக்களைச்
சேர்ந்திட
மந்திரம் என்றிடுவோம் – பெரும்
தந்திரம் செய்திடுவோம்
விடுதலைப் போரில் வேடிக்கை
பார்த்தவர்
வேடிக்கை காட்டுகின்றார் – இதை
வாடிக்கை ஆக்குகின்றார்- பல
கெடுதலை நினைப்பவர் கேட்கின்றார்
வாக்கினை
விரட்டிட சூளுரைப்போம் – இனியும்
மிரட்டிட சம்மதியோம்
எழுதியவர்
ச.லிங்கராசு
இப்பதிவு குறித்த தங்கள் கருத்துக்களை அவசியம் கீழே உள்ள Comment Boxல் பதிவிட வேண்டுகிறோம்.
புக் டே இணையதளத்திற்கு தங்களது புத்தக விமர்சனம், கட்டுரைகள் (அறிவியல், பொருளாதாரம், இலக்கியம்), கவிதைகள், சிறுகதை என அனைத்து படைப்புகளையும், எங்களது [email protected] மெயில் அனுப்பிட வேண்டுகிறோம்.